 |
കുന്നംകുളം ; സമകാലിക ലോകം നേരിടുന്ന ഏറ്റവും വലിയ വെല്ലുവിളികളിൽ പ്രാധാന്യമേറിയ ഒന്നാണ് മതത്തിന്റെ നന്മകളെ പാടെ അവഗണിച്ീ മതത്തെ വികലമാക്കി ചിത്രീകരിക്കാൻ ശ്രമിക്കുന്ന അല്പജ്ഞാനികൾ ആണെന്ന് പാണക്കാട് സയ്യിദ് ഹമീദലി ശിഹാബ് തങ്ങൾ അഭിപ്രായപ്പെട്ടു തൃശൂർ ജില്ലാ എസ കെ എസ് എസ് എഫ് സംഘടിപ്പിച്ച ഭാരതീയം ചരിത്ര സ്മൃതി യാത്രയുടെ കുന്നംകുളം മേഖല സ്വീകരണ സമ്മേളനം പെരുമ്പിലാവിൽ ഉൽഘാടനം ചെയ്യുകയായിരുന്നു തങ്ങൾ
മത്തിന്റെ യഥാർത്ഥ മുഖം വികലമാക്കുന്ന ഇത്തരം പ്രവണതക്കെതിരേ അതാത് മതത്തിന്റെ വക്താക്കൾ മുന്നോട്ട് വന്നില്ലെങ്കിൽ സമൂഹം അഭിമുഖീകരിക്കാൻ പോകുന്ന വിപത്തു വലുതായിരിക്കുമെന്നും മതം എന്നത് ഒരു വികാരമാക്കിയെടുക്കുന്ന ഇന്നത്തെ യുവതയുടെ മാനസീകാവസ്ഥക്ക് മാറ്റം വന്നേ തീരൂ. അതോടൊപ്പം അന്യൻറെ സുഖദുഃഖങ്ങൾ മനസ്സിലാക്കാൻ കഴിയുന്ന ഒരു യുവതയെ സൃഷ്ടിക്കാനും ബന്ധപ്പെട്ടവർ മുൻകൈ എടുക്കണമെന്നും അത്തരം ഒരു ഉദ്യമത്തിന് കാരണമാകുന്ന ഭാരതീയം യാത്ര പോലെ സത്യം സത്യമായി തുറന്നു പറയാനും തയ്യാറാകണമെന്നും അദ്ദേഹം കൂട്ടിച്ചേർത്തു .
ഭാരതീയം കുന്നംകുളം മേഖല സ്വാഗത സംഘം ചെയർമാൻ കെ ജയശങ്കർ അദ്ധ്യക്ഷനായ ചടങ്ങിൽ കൺവീനർ എം എഛ് നൗഷാദ് സ്വാഗതം ആശംസിച്ചു വർഗ വർണ്ണ ജാതി മത രാഷ്ട്രീയ ചിന്താ ധാരകൾക്കപ്പുറം മനുഷ്യൻ ഒന്നെന്ന ചിന്ത വളർത്തണമെന്ന് ഭാരതീയം കുന്നംകുളം മേഖല സ്വീകരണ സമ്മേളനം ആവശ്യപ്പെട്ടു
എസ് കെ എസ് എസ് എഫ് തൃശൂർ ജില്ലാ പ്രസിഡണ്ട് സിദ്ധീഖ് ബദ്രി സദസ്സിനു പ്രതിജ്ഞ ചൊല്ലി കൊടുത്തു
ശഹീർ ദേശമംഗലം ജാഥ അംഘങ്ങളെ പരിചയപ്പെടുത്തി
കടവല്ലൂർ പഞ്ചായത്ത് വൈസ് പ്രസിഡണ്ട് കെ ഇ സുധീർ ,ജോസഫ് മാസ്റ്റർ ചാലിശ്ശേരി , പ്രേംരാജ് ചുണ്ടത്ത് ഇബ്രാഹീം ഫൈസി പഴുന്നാന,സി എം സാബിർ കാസിമി ഇമ്പിച്ചി കോയ തങ്ങൾ ഉസ്മാൻ കല്ലടയിൽ അബു മുസ്ലിയാർ കരിക്കാട് നാസർ ഫൈസി തിരുവത്ര ഉമ്മർ ഫൈസി വില്ലന്നൂർ അമീൻ കൊരട്ടിക്കര റഫീഖ് കടവല്ലൂർ തുടങ്ങി രാഷ്ട്രീയ സാമൂഹ്യ സാംസ്കാരിക രംഘത്തെ പ്രമുഖർ സംബന്ധിച്ച ചടങ്ങിന് സുഹൈൽ പന്തല്ലൂർ നന്ദി അർപ്പിച്ചു
