കയ്പമംഗലം: എസ്.കെ.എസ്.എസ്.എഫ് റിപബ്ലിക് ദിനത്തിൽ സംസ്ഥാന വ്യാപകമായി രാഷ്ട്ര രക്ഷക്ക് സൗഹൃദത്തിന്റെ കരുതൽ എന്ന പ്രമേയവുമായി സംഘടിപ്പിച്ചു വരുന്ന മനുഷ്യജാലിക ഈ വർഷം(2017) ജില്ലയിൽ ചേർപ്പിൽ നടക്കും. സമസ്ത ജില്ലാ കമ്മറ്റി ചാമക്കാല ബീച്ച് പാലസിൽ സംഘടിപ്പിച്ച പണ്ഡിത സംഗമത്തിൽ സമസ്ത കേരള ജംഇയ്യതുൽ ഉലമാ കേന്ദ്ര മുശാവറ ട്രഷറർ സയ്യിദ് മുഹമ്മദ് ജിഫ്രി മുത്തുക്കോയ തങ്ങളാണ് സ്ഥലം പ്രഖ്യാപിച്ചത്. സമസ്ത ജില്ലാ പ്രസിഡണ്ട് സയ്യിദ് എസ്.എം.കെ.തങ്ങൾ എം.എം.മുഹ്യിദ്ധീൻ മുസ് ലിയാർ, ഓണംപിള്ളി മുഹമ്മദ് ഫൈസി, ഹുസൈൻ ദാരിമി നാസർ ഫൈസി തിരുവത്ര, എസ്.കെ.എസ്.എസ്.എഫ്.ജില്ലാ നേതാക്കളായ സിദ്ധീഖ് ബദരി, ശഹീർ ദേശമംഗലം പരിപാടിയിൽ സംബന്ധിച്ചു.
