എ.പി മുഹമ്മദ് മുസ്ലിയാര് ഇനി ഓര്മ

• മയ്യിത്ത് നിസ്കാരം തുടങ്ങി; ആയിരങ്ങള് ദാറുന്നജാത്തില്

പാലക്കാട്: സമസ്ത കേരള ജംഇയ്യത്തുല് ഉലമയുടെ അധ്യക്ഷന് കുമരംപുത്തൂര് മുഹമ്മദ് മുസ്ലിയാരുടെ മയ്യിത്ത് നിസ്കാരം ഇന്ന് രാവിലെ എട്ടു മണി മുതല് മണ്ണാര്ക്കാട് ദാറുന്നജാത്ത് യതീംഖാന അങ്കണത്തില് നടക്കുകയാണ്. സംസ്ഥാനത്തിന്റെ വിവിധ ഭാഗങ്ങളില് നിന്ന് ആയിരങ്ങളാണ് പണ്ഡിത സൂര്യന്റെ മയ്യിത്ത് നിസ്കാരത്തിനായി ഒഴുകിയെത്തുന്നത്.
സാദാത്തീങ്ങളും പണ്ഡിത പ്രമുഖരുടെയും നേതൃത്വത്തില് പല ഘട്ടങ്ങളിലായാണ് മയ്യിത്ത് നിസ്കാരം നടക്കുന്നത്. ഖബറടക്കം ഇന്ന് വൈകീട്ട് മൂന്ന് മണിക്ക് കുമരംപുത്തൂര് ജുമാമസ്ജിദ് ഖബര്സ്ഥാനില് നടക്കും.
ഇന്നലെ അര്ധരാത്രി 12.45ന് പാലക്കാട് തച്ചമ്പാറയിലെ ഇസാഫ് ആശുപത്രിയില് വച്ചായിരുന്നു എ.പി മുഹമ്മദ് മുസ്ലിയാരുടെ അന്ത്യം.
നാലു വര്ഷമായി കരള് സംബന്ധമായ അസുഖത്തെത്തുടര്ന്ന് ചികിത്സയിലായിരുന്നു. ശാരീരികാസ്വാസ്ഥ്യം അനുഭവപ്പെട്ടതിനെ തുടര്ന്ന് ചൊവ്വാഴ്ച രാവിലെ പതിനൊന്നോടെ ആശുപത്രിയില് പ്രവേശിപ്പിക്കുകയായിരുന്നു. ബുധനാഴ്ച രാവിലെയോടെ നില വഷളായി. ഇതേത്തുടര്ന്ന് ഐ.സി.യുവില് പ്രവേശിപ്പിക്കപ്പെട്ട മുഹമ്മദ് മുസ്ലിയാര് രാത്രിയോടെ അന്തരിക്കുകയായിരുന്നു.